星期日晚，等我同大家講一個 bed time story。
响好耐好耐以前，有一班人，生左一個病，叫做「星期日焦慮症」，呢個病既症狀會响晚間加劇，病癥係夜晚死唔肯瞓覺聽朝死唔願起床。自古以來，呢個病係大人先有，但係宜家已經蔓延到未出世就要番 pre pre pre N 班既胎兒。從此以後，胎兒响媽媽個肚入面，就知道，每個星期一，都係藍色既。
但係呢個世界上，有一個好遠好遠既地方，聽聞遠到响麥里浩徑第十段，亦即係二千年後既屯門市中心行過少少，响森林入面（二千年後竟然仲有森林？！），有一間學校，個度 d 小朋友，係好鍾意番學既。鍾意到乜野程度？間唔中就會有畢業生突然出現响學校。
畢業生：「我今日病左，所以無番學。」
老師：「咁點解你病左仲番黎既？」
畢業生：「我番黎呢度就會好番架嘞。」
老老實實，其實係咪因為唔想番學，所以病？就好似大人咁，小朋友，甚至早到去唔想番 pre pre pre N 班既胎兒，都學識左乜野叫做射波，原來病就係最好既射波理由。大人要唞一唞，小朋友都要唞一唞。好啦，故事講完，大家早 d 唞。回歸現實，我聽日都係要番工既… .. ..
#唔知呢個鐘數d家長做晒功課未呢
#宜家d功課係俾家長做既
#攪個唞唞革命好唔好
#聽日射唔射波好呢
#邊一個發明了番學
Comments are closed.