「我真係好鍾意踢波！我番黎學校就係為左有得踢波！我可以全日淨係踢波，完全唔做其他野！」
嘩，我唔知幾耐無聽過一個成年人同我講佢真係真係好鍾意一樣野鍾意到呢個地步，孩子雙眼閃閃發光，熱情如火，係連雨水都淋唔熄既熱情呀。
有沒有想過，我們在學校的時候，總是要孩子讀十科八科，但是長大成人後，大部份人都在某些特定的範圍成為專才。我們往往又會被那些一生都醉心整小提琴，甚至畢生都只做好豆沙包的紅豆蓉的人所吸引，我們不會介意去日本旅行的時候，發現那家豆沙包老舖整紅豆蓉的老闆不懂得說英文或法文或徳文。
我們期望孩子成為一個十項都識少少既人（最好梗係全能），唔想學既科目，都勉強識少少啦阿仔，對你有用架，你將來就會感激老師阿媽架嘞。喂，咁我個波呢？俾番個波我，我都係鍾意踢波。喂，咁你唔試過又點知自己唔鍾意中文？喂，咁我已經知道自己好鍾意踢波。點解鍾意？唔知喎。總之就好鍾意。
有沒有想過，為什麼孩子往往要花費那麼多精力和口水去解䆁他的熱情所在？到底他的生命需要向誰交待？誰能承擔他的生命？熱情呢家野，唔係用理性可以解䆁到既，講下講下，語言偽術梗係大人叻，結果，往往是小孩被說服他根本沒那麼喜歡踢波。放低個波，入番課室，唔該。
想像一下，如果孩子全日都踢波，六年如一日，老師會擔心嗎？父母又會怎麼想？如果孩子能夠以這種程度的專注做一件事，你還需要擔心他沒有動力去追求他人生的目標和理想嗎？這個我留給大家回答。
其實落雨又有乜好怕喎？連落雨都踢波，問你怕未！
#其實22個男仔追住一個波係咩玩法
#好明顯講故佬原來係女仔
#青春既野
#我識咩丫
#介紹番自然學校其實都係有時間表有課程有好多科要學既
#不過教育既反思可以闊好多既
Comments are closed.